head


கேட்டலான் தலைவருக்கு எதிரான ஐரோப்பிய பிடியாணை ரத்து

|Wed,06th December 2017|Security| Page Views : 33

பதவி நீக்கம் செய்யப்பட்ட கேட்டலோனியா அதிபர் கார்லஸ் பூஜ்டிமோன் மற்றும் நான்கு முன்னாள் அமைச்சர்களுக்கு விதிக்கப்பட்ட ஐரோப்பிய பிடியாணையை ஒரு ஸ்பெயின் நீதிபதி திரும்பப்பெற்றுள்ளார்.

ஒரு தலைபட்சமாக கேட்டலோனியா சுதந்திரத்தை அறிவித்த பிறகு இவர்கள் பெல்ஜியம் நாட்டிற்குத் தப்பிச் சென்றனர்.

ஐரோப்பியப் பிடியாணை ரத்து செய்யப்பட்டாலும், தேசவிரோதம் மற்றும் கிளர்ச்சிக்கான குற்றச்சாட்டுகளை அவர்கள் இன்னும் எதிர்கொண்டுள்ளதாக நீதிபதி கூறினார்.

ஸ்பெயினில் மிகக் கடுமையான குற்றங்களில் ஒன்றாகக் கிளர்ச்சி கருதப்படுகிறது. இதற்கு 30 வருடங்கள் வரை சிறை தண்டனைக் கிடைக்கலாம். டிசம்பர் 21-ம் தேதி கேட்டலோனியா பிராந்தியத்தில் புதிய தேர்தல் நடக்கவுள்ள நிலையில், நாடு திரும்புவதற்கான விருப்பத்தை கேட்டலோனியா தலைவர்கள் கூறியதை மேற்கோள்காட்டிய ஸ்பெயின் உச்சநீதிமன்ற நீதிபதி பப்லோ லலாரோ, பிடியாணையைத் திரும்ப பெறுவதாக அறிவித்தார். ஐரோப்பிய பிடி ஆணை ஸ்பெயினின் சட்ட விசாரணையைச் சிக்கலாக்கும் எனக் கூறிய நீதிபதி, இதனை நீக்குவதன் மூலம் விசாரணையின் முழு கட்டுப்பாட்டையும் ஸ்பெயின் பெறமுடியும் என கூறினார்.
www
  www.elukathir.lk
 
 

 

Copyright 2016  வெளி ஊடகங்களில் இருந்து பெறப்படும் தகவல்களின் உண்மைநிலை தொடர்பில் எழுகதிர் நிர்வாகம் பொறுப்பு கூறமாட்டது என மிகதாழ்மையுடன் அறிவிக்கிறோம்.