90 வயதை நெருங்கும் வெண்ணிற ஆடை மூர்த்தி: ஆரோக்கியத்தின் ரகசியம் என்ன?

தமிழ் திரையுலகில் நகைச்சுவை நடிப்பின் மூலம் தலைமுறைகளை கடந்து ரசிகர்களை சிரிக்க வைத்தவர் நடிகர் வெண்ணிற ஆடை மூர்த்தி. எம்ஜிஆர்–சிவாஜி காலத்திலிருந்து ரஜினிகாந்த், கமல்ஹாசன், விஜய், அஜித், சிம்பு, தனுஷ் உள்ளிட்ட பல தலைமுறை நடிகர்களுடன் இணைந்து நடித்துள்ள இவர், 1965ஆம் ஆண்டு திரையுலகில் அறிமுகமாகி தனக்கென தனி அடையாளத்தை உருவாக்கினார்.விரைவில் 90 வயதை நெருங்கும் நிலையில், அவரது ஆரோக்கியமான வாழ்க்கை முறை குறித்து ரசிகர்களிடையே பெரும் ஆர்வம் நிலவுகிறது. சிறு வயதிலிருந்து வழக்கமான உடற்பயிற்சிகளை மேற்கொள்ளவில்லை என்றாலும், அவரது தினசரி வாழ்க்கை பழக்கவழக்கங்களே அவரை இன்று வரை ஆரோக்கியமாக வைத்திருக்கின்றன என கூறப்படுகிறது.அவர் குறிப்பாக நேர ஒழுக்கம், உணவு ஒழுக்கம் மற்றும் தூக்க ஒழுக்கம் ஆகியவற்றில் மிகுந்த கட்டுப்பாட்டுடன் இருப்பதாகவும், இதுவே அவரது நலத்திற்கான முக்கிய காரணமாகும் என்றும் அவர் அளித்துள்ள பேட்டிகளில் தெரிவித்துள்ளார்.இந்த எளிய ஆனால் கட்டுப்பாடான வாழ்க்கை முறையே அவரது நீண்டகால ஆரோக்கியத்திற்கு அடிப்படையாக இருப்பதாகவும் குறிப்பிடப்படுகிறது.