பாகிஸ்தானின் கராச்சியில் வரலாற்றுச் சிறப்புமிக்க மொஹட்டா அரண்மனை

பாகிஸ்தானின் கராச்சி நகரில் உள்ள கிளிஃப்டன் கடற்கரைக்கு அருகில் அமைந்துள்ள மொஹட்டா அரண்மனை, அதன் தனித்துவமான கட்டடக்கலை மற்றும் வரலாற்றுப் பின்னணியால் பார்வையாளர்களைக் கவர்ந்து வருகிறது.இளஞ்சிவப்பு மற்றும் மஞ்சள் நிறக் கற்களால் நிர்மாணிக்கப்பட்ட இந்த அரண்மனை, இந்து மார்வாரி தொழிலதிபரான சிவ் ரத்தன் சந்திர மொஹட்டாவினால் தனது மனைவிக்காகக் கட்டப்பட்டது. இதன் கட்டுமானத்தில் ஜோத்பூரிலிருந்து கொண்டுவரப்பட்ட இளஞ்சிவப்பு நிறக் கற்கள் பிரத்யேகமாகப் பயன்படுத்தப்பட்டுள்ளன.

கராச்சியின் வரலாற்றை ஆய்வு செய்த பத்திரிகையாளர்கள் மற்றும் வரலாற்றாசிரியர்களின் பதிவுகளிலும் இந்த அரண்மனை குறித்த தகவல்கள் இடம்பெற்றுள்ளன.ஆய்வாளர் இக்பால் ஏ. ரஹ்மான் மண்டாவியா தனது நூலில், சிவ் ரத்தன் மொஹட்டா கராச்சியில் இரும்புத் தொழிற்சாலையையும், சிந்துவில் காத்ரோ பகுதிக்கு அருகில் சர்க்கரை ஆலையையும் நிறுவியதாகக் குறிப்பிட்டுள்ளார்.மேலும், சர்க்கரையை அருகிலுள்ள ரயில் நிலையத்துக்குக் கொண்டு செல்வதற்காக 1939ஆம் ஆண்டு அவர் தனிப்பட்ட ரயில் பாதையையும் அமைத்ததாகத் தனது நூலில் பதிவு செய்துள்ளார்.இவ்வாறு, மொஹட்டா அரண்மனை கராச்சியின் கட்டடக்கலைப் பாரம்பரியத்தையும் அக்கால வணிக வளர்ச்சியையும் எடுத்துக்காட்டும் வரலாற்றுச் சின்னமாகத் திகழ்கிறது.