மகளை பரீட்சைக்கு அழைத்துச் சென்ற தந்தை மீது கொடூரத் தாக்குதல்; வீடு திரும்பும் வழியில் உயிரிழப்பு!

அநுராதபுரம் தலைமையக பொலிஸ் பிரிவுக்குட்பட்ட சாலியபுர – மாண்கடவல சந்திப் பகுதியில் நேற்று (01) காலை இடம்பெற்ற ஆயுதத் தாக்குதலில் 47 வயதுடைய நபர் ஒருவர் உயிரிழந்துள்ளார்.

ரம்பாவ, பண்டுகாம்பயபுர பகுதியைச் சேர்ந்த மூன்று பிள்ளைகளின் தந்தையே இவ்வாறு உயிரிழந்துள்ளதாக பொலிஸார் தெரிவித்துள்ளனர்.

உயிரிழந்த நபர் நேற்று காலை தனது மகளை உயர்தரப் பரீட்சைக்குத் தோற்றுவதற்காக பரீட்சை நிலையத்திற்கு அழைத்துச் சென்றுள்ளார்.

பின்னர் அங்கிருந்து தனியாக வீடு திரும்பிக்கொண்டிருந்தபோது, சாலியபுர – மாண்கடவல சந்திப் பகுதியில் வைத்து மர்ம நபர்களால் ஆயுதத்தால் தாக்கப்பட்டதாக ஆரம்பகட்ட விசாரணைகளில் தெரியவந்துள்ளது.

தாக்குதலில் படுகாயமடைந்த அவர் சம்பவ இடத்திலேயே அல்லது வைத்தியசாலைக்கு கொண்டு செல்லும் வழியில் உயிரிழந்ததாக பொலிஸார் தெரிவித்துள்ளனர்.

சம்பவத்துடன் தொடர்புடைய சந்தேகநபர்கள் தொடர்பான தகவல்கள் கிடைத்துள்ளதாகவும், அவர்களைக் கைது செய்வதற்கான நடவடிக்கைகள் முன்னெடுக்கப்பட்டு வருவதாகவும் அநுராதபுர தலைமையக பொலிஸார் தெரிவித்துள்ளனர்.

சம்பவம் தொடர்பில் அநுராதபுர தலைமையக பொலிஸாரின் குற்றப் புலனாய்வுப் பிரிவினர் மேலதிக விசாரணைகளை மேற்கொண்டு வருகின்றனர்.